ريموندا رؤوف
تعالو نتفق الاول على معنى كلمه مصروف
مصروف يعنى فلوس باخدها وبتصرف فيه لوحدى واكون مسؤول اجيب منها اكل وشرب حسب اختيارى بدون توجيه
هل ده ينفع قبل 6 سنين
لا مش هينفع
لكن قبل كده ممكن ادى الطفل فلوس coins عملات معدنيه يحوشها وقت ما يكون معايا اديله ونتعلم الحساب والإعداد منها والفلوس ويصرف منها لو عايز تحت اشرافى ومعايا وف وجودى وميروحش بيها حضانه أو مدرسه
لان الاكل والشرب لحد 6 سنين مهم يكون تحت إشراف الاب والام
طيب هل ينفع اديله فلوس مكافاه على مسؤوليات بيعملها؟
لا مينفعش برضو
ليه
لان المسؤوليات ادوار اساسيه ملهاش مقابل مينفعش الطفل ياخد مقابل مثلا أنه بيشيل طبقه أو بيلم ألعابه أو بيذاكر هيبقى عامل زى الأرنب اللى بيجرى ورا الجزره
دى ادوار اساسيه ومسؤوليات ومهم نربى ولادنا بتحفيز داخلى اتجاهها
طبعا مهم تشجيع من وقت لآخر س على التشجيع داخلى زى مثلا انت منظم جدا او مثلا انت اكيد فخور بنفسك .. أو هايل انت بتحافظ على حاجاتك .
ريموندا رؤوف
مدربه مهارات حياتية ومونتيسورى وتمارين سلوكيه من الطفوله للمراهقه
ودبلومه فى الارشاد النفسى
#remonda_rauof
#تربيه_By_Remonda_Rauof
