طباعة
الصفحة |
 |
الراسل: أبو اسكندر
يا مصر يا بلدي عليه العوض فيكي
عشش فيكي التعالب والديابة وغربان البين في بواديكي
يا اللي كنتي شمعة منورة وأتبدد الظلام بيكي
يا اللي كنتي منارة بتشع ضى للي حواليكي
يا اللي كنتي زهرة مفتحة والأمل مالي عينيكي
يا اللي كانوا ولادك زي النجوم منورين لياليكي
يا اللي كان شعبك برجولته وشهامته بيحميكي
يا اللي كان العقل زينتك والحكمة ماسكة في إيديكي
يا اللي علمتي أهل الأرض معاني الإنسانية والتاريخ يشهد ليكي
إيه اللي حصل يا بلدي؟ ومين اللي قتل معانيكي
مين شوّه صورة مصر الصبية وخلاها عجوزة محنية؟
صورتك يا بلدي بقت مخيفة والصحة ما عادت عفية
وملامحك بتقول إن ولادك خانوا عهدك وباعوكي للوهابية
وبقوا بناتك لابسين حجاب ونقاب وشبابك غاويين الجلابية الباكستانية
وايشى دقون وزبيبة على الراس وسواك وريحة تجيب نزلة معوية
وشوارعك مليانة زبالة وناس في الكورة ملهية
والمسلم فيكي يسمع الأذان يقول أروح اخلص الفرض اللي عليا
ومدارس ما عاد فيها تعليم ومناهج بتحرض ع الفتنة الطائفية
ومؤسسات الدولة الفساد فيها بقى لناس كتير هواية وغية
تاريخك أتشوّه وخيرك انسرق والسبب الأكابر الحرامية
يا رب يا بلدى تعودي كما كنتي منعرفش فيكي المسلمة من المسيحية
ويرجع عهدك الجميل ونرجع نقول بكل إخلاص في النية
لو لم أكن مصريًا لوددت أن أكون مصريًا
على موضوع: عزة سليمان تقاضى حجازي لوصفه غير المنتقبات بالعاهرات
http://www.copts-united.com/article.php?A=8728&I=234