طباعة
الصفحة |
 |
محبة مترى
بقلم: محبة مترى
أجمل بنات الحى جاية منورة
والوش باسم والشفايف ضحكة صافية مزهرة
معقولة دى بنتى أنا؟
يادى الهنا
وانا واقفة شاوْرٍِِت من بعيد
بعلامة النصر الاكيد
خلاص ياماما طريق جديد
ادعي لي بالحظ السعيد
تم اجتياز آخر مواد الامتحان
اما السؤال كان سهل واجابتى جنان
سهر الليالي نتيجته امتي راح تبان
خلاص وداع للطابور والمدرسة
فكوا الضفاير وسعوا للآنسة
والجرس مهما ضرب واللا انضرب مالى انا
حتي في منامى صوته سبّبْ هلوسة
ولا دروس ولا واجبات اسهر عليها منعنسة
ولا شنطة تتعبني بكتب متكدسة
أهلا ياجامعة يافنون يا هندسة
كل انواع الدراسة هتبقي كويسة
مستنياكي بشوق ولهفة وانتظار
بس النتيجة تبان ثم اتخذ القرار
معقولة دي بنتي انا؟
يادي الهنا
دى البنت كبرت والليالي عدت قوام
بالأمس نونو واليوم عروسة بدر التمام
انتِ الامل مالية حياتي ابتسام
فخورة بيكى واقول عليكى احلي الكلام
اتمني ليكى كل النجاح والي الامام
يسوع حاميكي حافظ طريقك بالسلام.
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
http://www.copts-united.com/article.php?A=4972&I=135