طباعة
الصفحة |
 |
د. فوزي هرمينا
بقلم- د . فوزي هرمينا ابراهيم
* دعاء التوظيف...!!؟؟
أنا عايز أشتغل يا ((كبير)) وأنت عارف ومطنشني.. قالوا ضرايب زيادة ودفعت.. قانون مرور وربطت الحزام على بطني عشان جعان وماعنديش عربية.. مصاريف عقد جواز وكشف طبي وفسخت الخطوبة.. أنا بقولك على رأي أم كلثوم (خد بالك عليّ.. دي مش معاملة تعاملني بيها) وعلى رأي العندليب كل مرة أشوفك فيها هاااا .....!!
كدة كتير يا كبير ومش معنى إني ساكت ومستحمل إني هافضل كدة.. أنا كنت هاخربها مداين بس لقيتك يا كبير أنت متكفل بالحكاية دي...!!
إنت بتعمل ليه معايا كدة.. مع إني وأنا قاعد على القهوة أنا وزمايلي العواطلية مالناش سيرة إلا سيرتك.. وإن مر يوم من غير رؤياك ما ينقعدش على القهوة
ثم إحنا من سن بعض ولازم نظبط بعض.. إنت بقالك 37 سنة رياسة وأنا عندي 37 سنة....!!
ولا أنت علشان ربنا كرمك ولقيت شغلانة ماحدش يرفدك منها.. وأنا قاعد عواطلي خلاص بقى إللي عليّ عليّ..
أنا لازم أشتغل.. وأنا بعتلك ال C.V. بتاعي أكتر من مرة عشان توظفني أنا كلي مواهب.. مش هضر السياحة ولا هالوث البيئة وموفر للطاقة وعايز أمشي جنب الحيط بس مستني ألاقي الحيط..!!
وأخيراً وليس آخراً ما تحرمناش من أُنسك يا كبير.. أنا عارف انك مش هاتحرمنا.. وعلى رأي فنان الشعب:
يا جارحني بلقمة ناشفة.... والعيش عندك طري
دة الحب في قلبي ولعّ.... ارحمني يا مفتري
إلهي ما يغلبلك حريقة.. ولا يوقعك في ديقة.. ولا يوقعلك دويقة.. وماتخليش كلام شوية العيال إللي بيقولوه عليك على القهوة يعكننك.. إنت كبرت وماعدتش حمل زعل.....!!؟؟
* مين.. مين...؟؟
مين إللي خرم الوطن ومين سبب قهره...!!؟؟
مين اشترى له الكفن ومين دفع مهره...!!؟؟؟
تاريخ العروبة قديمة وجديدة.....!!؟
هاتلي رئيس أو ملك ماطلعلش على ضهره...!!؟
* إلي ابني المصري القبطي الحبيب
ابني الحبيب..
أنا لم أمت.. رغم أن الموت يقطن ساحتي..
أنا لم أمت.. رغم أن سلاسل السجان أدمت معصمي.. وضعوا الكمائم في فمي..
أنا لم أمت.. رغم أن المعاول يهدم كل يوم.. داراً من دياري.. والذئاب تنهش كل يوم.. طفلاً من صغاري.. والنار تأكل بستاني..
أنا لم أمت.. سرقوا ثيابي.. سرقوا طعامي.. غيروا لون مائي.. لون أرضي وسمائي.. سرقوا شبابي..
أنا لم أمت.. طعنوني ألف مرة.. صلبوني ألف مرة.. سجنوني ألف مرة.. صفّوا دمائي..
لم أمت.. ولن أموت.. لأن أبوب الجحيم لن تقو عليّ.. لأنني مؤسسة على صخر يسوع غير قابل للكسر.. ويا بطرس على هذه الصخرة الإيمانية أبني كنيستي...!!؟
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
http://www.copts-united.com/article.php?A=425&I=11