طباعة الصفحة

أبيض وأسود ورمادي

الراسل: ناردين عماد
لما بحب اشوف أكتر حاجه لونها أبيض ايه هي.. مش بلاقي أحلى من قلب طفل صغير.

ولما بحب أشوف أكتر حاجة لونها أسود في الدنيا.. مش بلاقي غير اللون الأسود نفسه وبس، عارفين ليه؟؟ علشان أكتر مكان ظلمة ممكن تروحه هتلاقي فيه بصيص من النور.

أما الرمادي فبشوفه في كل حاجة حواليَّ؛
الناس، الأفكار، التكنولوجيا، وحاجات تانية كتير.
بس ياريت الدنيا كانت بسيطة كد..ه ونظيفة كده.. لكن احنا بنحب أوي ندعي الألوان، يعني بصراحة عندنا عمى الألوان..
الدنيا كانت هتبقى جميلة وبسيطة لو كل حاجه فضلت بلونه، ومحاولتش تتلون علشان تبقى أحلى، وهي أصلاً بتشوه الحقيقة..

أصلاً كل حاجة حوالينا رمادي، وده اللي مخلينا عايشين لحد النهارده..
أيوه كلنا رمادي علشان كده في توازن في الطبيعة..
أيوه كلنا رمادي.. أان دي خلقة ربنا.
كل واحد مننا ربنا خلق فيه مزايا كتير أوي، وكمان فيه عيوب، وده حاصل لأنه خلقنا بشر مش ألهة..
كل واحد مننا بيحب حاجات وبيكره حاجات، وده كمان طبيعي.
احنا بشـر
وبكده نكون كمان عرفنا إن كل حاجة فيها الحلو والوحش.. بس المهم إنك تقرر.. هتبقى انت نفسك أبيض ولا أسود!!.

كل واحد مننا عبارة عن قلب طفل أبيض، وكمان موجود اللون الأسود، ولكل منا الاختيار.. هو عايز مين منهم اللي يكبر ومين اللي هيفضل زي ما هو، ويمكن كمان يصغر..

أنت هو أساس الاختيار.. وأنت المسؤول

http://www.copts-united.com/article.php?A=21631&I=538