طباعة
الصفحة |
 |
إسحاق صبحى
بقلم - إسحاق صبحى
شوف الساعة ...شوف العقرب
بكرة شكله جاى مقرب
يا الف الف مرحب
بس بين المساكن
جاى الغدر يتسرب
الناس ف اول السنة
فرحانين كلهم هنا
نور فى شبابيك البيوت
برج الجرس مطلع صوت
قولو للجرس اسكت !!!
فى ساعة سودة
و على حسب المودة
يوم واحد
من شهر واحد
و سنة واحد جنب واحد
فى دقيقة واحدة
راحو حاجة و عشرين واحد
تفجير ورا تفجير
تشكيلة الموت نزلت السوق
والقتل يناسب كل ذوق
فى مسيحى مشوى
و فيه مسلم مسلوق
فى قبطى محروق
لو نزل تحت او طلع فوق
نصرانى مدعوق
هما دول يتسموا شهداء؟؟!!
ده يبقىأسمه غباء
و شوية هراء
كلام هباء فى هباء
لا تجوز لهم رحمة
لا يليق بهم رثاء
خسارة فيهم العزاء
شيوخ و كهنة كرسى جنب كرسى
ياكلو بيتزا و يشربو بيبسى
و ترسى مطرح ما ترسى
كلهم حبايب أعزاء
مثبتين بالغراء
باقين الى الفناء
شامتين فى العلن و الخفاء
كبيرهم كلمتين استياء
و كان صباح و كان مساء
الدم باين فى الارض
يوم و اتنين شغال العرض
وايقونات و صور تكمل سرد
الدبح واجب و جهاد و فرض !!
بص ف عقرب الساعة
عدى كام اسبوع
حزن و دموع
ورعب مكتوم و مسموع
تقيل على الامهات الالم
و الصوت اتحاش و اتكتم
و الوجود زى العدم
نعى مكتوب بالدم
من غير حبر بدون قلم
ما فيش دموع كفاية
مافيش اخر ولا نهاية
للنكد و الغم
لبكا الأم و الأب و العم
و دمع الصديق ما يتلم
اللى اختشوا راحو فين
أنطقى ! راحو فين؟؟!!
يابلدالعاروالمجون
ايتهاالعاهرةالمصون
يا بلد مافيهاش كبير
ولا ريس ولا وزير
ولا عاقل ولا بصير
الغلبان مالوش نصير
ولا قاضى عنده ضمير
ذمتهم فالصو و قصدير
قبل الحكم لازم نوزن
عشان برضه نعرف نتمن
تعرف الشهيد تمنه كام؟؟
انا اقولك
هو قبطى واللا من اهل الاسلام
من دار الحرب و اللا السلام
أوعى يكون اجنبى جاى للاستجمام
فيه ناس متسواش كتير
و فى ناس مقامها كبير
ناس تموت فى الشوارع
و ناس تموت من الكوارع
و الناس مكاييل ......ايه المانع
و دم يسيل بالقنابل ....ميوجعش
و دم يسيل فى الطهور ...ميحتملش
و الكبير سبب المجاعة
قال كلمتين فى الاذاعة
خلوا بالكم احنا فى محنة
و الوحشين ساكنين فى ريحنا
ربنا ياخدك ويريحنا
عامل فيها زعيم
و قائد وطنى أصيل
ها ها ها
ألاهبل تنفع صفة
و الاهبل أفعل تفضيل
رئيس جايبينو تفصيل
غباوة و جهل نهار وليل
ووجوده حاصل تحصيل
تلات اسابيع مروا ازاى
غنا و اناشيد وربابة و ناى
و على سيرة القصاص
يقولك
متقعد تشرب شاى
و يقولك احنا اخوات
راضعيننفس الشعارات
و اللى حصل ده تفاهات
الحمدلله عندنا قيادات
زيهم .... زى البنات
و لا يفرقوا عن الستات
اخرهم ندوة على ترابيزة
فى عين شمس او فى الجيزة
و هاتك رط ورغى و تحليل
و نغمة حزاينى ومواويل
و كام برنامج فى الاذاعة
حوشو الفتنة يا جماعة
المؤامرة داخلة م الشراعة
و التطرف احلى شماعة
و شوف الكلام الجميل
قال ايه شاربين من نفس النيل
سوا فى الفرح و سوا فى الويل
والارهابى ده اصله عميل
و ملعوبه فاشل و مستحيل
و كما كان سوف يكون
أيتها العاهرة المصون
دققى ف عقرب الساعة
شوفى باقى كام ساعة
على يوم الزلزال
يوم ماطلعو شوية عيال
عملت ايه يا سبع الرجال
اتلمو و كتفوك بالحبال
يا دى الحوسة ....الورطة
ياريس خيبتك تحتها شرطة
و لم تنفع فى وشك ماشطة
البلد كلها صبحت شاحتة
و انت بتعوم فى الفتة
ساقط ثانوي فى رياضة باحتة؟
و عايز تكوش حتة ورا حتة؟؟!!
قعدت تعيط و تقول ليه
كلكو عليا و اللا ايه
انا لم أكن أنتوى
ده انا غلبان و منطوى
رجلى فى القبر و مستوى
و نفسى اتدفن هنا
و انتو زودتوها قوى
بس ارحل يعنى غور
خلاص انكشف المستور
وشك العكر ما توريناش
دم الشباب مش ببلاش
و حق دول ميستناش
ياريس زى الطرطور
خدتها بس عشان بالدور
و الوطن يا ولداه مقهور
كأنه عزبة وورثتوها
بتبيعوها وتأجروها
كده تشكر يا راجل يا بركة
اتمشى ياللا الحركة بركة
كده كفاية وسيب التركة
دى بلد هى و اللا شركة ؟؟
لو فاكر تنفد بجلدك
و اللى نهبته تحت جلدك
انت و العصابة وولدك
معذور.... لو مافيش مخ
و التفكير عندكو كخ
و قلشت منك يا أخ
هتردو كله كاش
زى ما طفحت البسبوسة
حاسب على حق الجلاش
ماعادش ينفع طناش
ما هو ربك مبيفوتش
و حتى ابليس ميرضاش
مجرم و جريمة يعنى إجرام
و بجحين !!!
متعرفوش عيب و لا حرام
و بدل ما تسوق النطاعة
و تعيش فى دور الصياعة
و تحلًق ع الدكان و البضاعة
راحت الحصانة والمناعة
دقق فى عقرب الساعة
خلاص قامت الساعة
تعيش...لكل ساعة
و هنكمل لآخر ساعة !!!...
http://www.copts-united.com/article.php?A=183078&I=2123