طباعة
الصفحة |
 |
د. عاطف نوار
بقلم : عاطف نوار
نشفت و بانت زقازيقها وهتبقى حمادى زى الكشح و ديروط
مفيش لا جانى ولا مُحرض و خلاص محدش فيها بقه مربوط
الغول أكل الحديد كله وخلاص بقه حاله عز فى عز
أصل عز خد له حديده يرفع مناعته ده العز وز
المناعة تحت القبة إسمها حصانة و يرفع هنا معناها يزود
ليك حق يا غول حرض إقتل إسرق أنصب م على كل ده متعود
المحكمة معاندة و كل حاجة تقول للدفاع لأ
يا خواننا دى أوامر إن العدل ملوش يقول لأ
قلنا الغول ورا الكمونى و شفنا حمام فى بق الغول
كدب الغول و قال معرفوش انا الغول اللى با قول
منير مع إبراشى جابوا أصل الحدوتة
الغول بلسانه قال للأمن يطير له حمام م الطابونة
قللينى نادت يا مجلس دى المُحاكمة للغول محتومة
راح المجلس حط حديد للحصانة مش سجن دى دُعامة
هى دى مصر حزينة مات لها أعز ولاد ولادها
عدل و حق و صدق و امانة كانوا تاج على راس راسها
بعدهم بقت الطبخة لبخة تجيب أجل اللى ياكلها
سمك لبن تمر هندى و حديد عز و لحم حمادى و عيش بكوسة
خسارتك يا مصر بقيت جنب الحيطة و على قفاكى بوسة
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
http://www.copts-united.com/article.php?A=17280&I=430