طباعة الصفحة

ولسة ياما في الجراب يا مصري

الراسل: Moga
هي الأم بس اللي متهانة يا وجدي؟؟!!
ده الأم والأخت والزوجة والابنة، كل دول للأسف متهانين جوة بلدنا، كل واحدة من دول بتتهان بطرق مختلفة.. بلدنا دلوقتي بتتفنن في إيجاد طرق مختلفة لإهانة شعبها..
بجد خلاص.. الواحد زهق.. هيلاقيها منين ولا منين؟ من التحرشات الشفوية والتحريرية اللي بقت مالية الشارع وكأن المصرى معندوش شيء يفكر فيه غير نصه التحتاني؟ وللا الاحتقان اللي بقى بين المواطنين وبعضيها؟ والفتنة اللي نايمة وكل ما تصحى تصحى على دم حد من ولادنا؟ وللا الأزمة الاقتصادية اللي بيعاني منها الشعب الجعان؟ وللا موارد وثروات البلد اللي بتتصدر برة والشعب الغلبان جوة مش لاقيها؟ وللا الأكل المسرطن اللي مش لاقيين غيره والموت البطيء اللى احنا فيه، ويا ريته موت جسدي بس كان الواحد ارتاح وخلاص، إلا أننا كل يوم بنموت نفسيًا ويا ريت حد حاسس!!.
مجاتش على الأم يا وجدي لما تمسك مقشة وتقف تكنس الشارع، وللا تتصدر برة هي وبناتنا خدامات، ما هي الأم دي فرد من المجتمع القاسي اللى احنا للأسف أحد أفراده اللي بنعيش فيه...
ولسة ياما فى الجراب يا مصري.

على موضوع: الأم في مصر عاملة نظافة

http://www.copts-united.com/article.php?A=13988&I=352