طباعة
الصفحة |
 |
د. فوزي هرمينا
بقلم / د. فوزي هرمينا
ياللي عملتوا البحر طحينة من عمايلكم
يا ما أسينا... شربنا المُر بأيدينا
وإمتى راح يرتاح لنا بال... وفسادكم وصل لرقابنا
وسكاكينكم بتحز رقابنا... !!؟؟
ولو كحينا أو تنهدنا.. تزيدوا علينا بالأحمال
وأحلامنا بخطة خمسية.. وإيماناً مليانة آسية
يا وطنا أصبحت تكية... للحرامية والأندال
كل حياتنا مش مفهومة..... !!!! ؟؟؟
من قوانينهم المسمومة....؟
يعني نروح نجيب حكومة من بلاد الوقواق... !!؟؟
ولما رضينا بالمكتوب... همومنا زادت ع المنسوب
وتبدل حالنا بأسوأ حال... !!؟
** مصر يا أرض الكنانة.. كنتي في أعلى مكانة
كنتي بتحافظي علينا.. كنتي في عنينا
لماذا رضيتي لهوانّا.... !!؟؟
حلمنا كان هو عزك.. ليه رضيتي لنا بالمهانة...؟؟
ليه رضيتي بحضن لصك ضمتيه رغم الخيانة... !!؟؟
خنجره مزروع في ضهرك.. كف إيده على قفايا
خلصينا يا أمي منه.. بطليه يجري ورانا
نفسي نرجع يوم لحضنك.. وترجعي يا أما معانا
** عايز أتجوز، عايز شقة، عايز أسكن
عايز أجيب عربية جديدة وأمشي وأركن
بحلم يمكن تيجي معايا جايز يمكن
لكن بأصحى وألاقي الشارع زحمة تعكنن
والأسعار دايماً في العالي وحاجة مش ممكن
يطلع أن الحلم دة أصبح ((قرص مُسكن)).... !!! ؟؟
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
http://www.copts-united.com/article.php?A=1121&I=31