علشان انت مصري

الراسل: مع احترامي للمصري
عشان انت مصرى لازم تعاني
وتفقد كرامتك بكل المعاني
وتحرق في دمك سنين مش ثواني
واوعى تصدق كلام الأغاني
بتاع الحضارة وكاني وماني
ده كله هجايص ما يدخل وداني
 
عشان انت مصري العذاب بيناديك
بتبدأ في يومك حاجات بترازيك
في نومك في قومك تعكنن عليك
تضايقك ولسه العماص في عينيك
ما فيش ميه تشطف صابونة في إيديك
وجسمك ملزّق وريحتك عاديك
فتلبس وتنزل وفيك اللي فيك
 
ورايح لشغلك حتحتاج مواصلة
ادي المترو واقف وكهربته فاصلة
وفي الميكروباص خناقه وحاصلة
اوتوبيس فرامله عايزالها وصلة
وتوك توك ده تايه ومحتاج لبوصلة
 
بتوصل لشغلك بدم اتحرق
في زحمة وكتمة وحر وعرق
رئيسك سايبلك كومة ورق
ده غير دمغه ضايعة وملف اتسرق
وفي كام مواطن عامللك قلق
بيشكي تقول له روح اندعق
وعركة وهوجة وشاى اندلق
ومخك خلاص من الصداع اتفلق
 
هترجع لبيتك ده لو كان فيه بيت
هتوصل هتندم يا ريتك ما جيت
مراتك بتصرخ خلاص استويت
عيالك بتطلب وهات كيت وكيت
تزعق تهاتي يا ناس اتهريت
ولا حد سامعك مهما هاتيت
 
عشان انت مصري وده للأسف
فلازم تآسي تعيش تتقرف
وكل الأساسي في حياتك ترف
فتنسى الكرامه وتنسى الشرف
وتسرق وتنصب أو تنحرف
ودمعك بيجري وجرحك نزف
مش انت اللي مصري؟؟؟

على موضوع: القبض على مدير فرع منظمة الإتحاد المصري لحقوق الإنسان بالأقصر