أهلاً بشعبي حبيبي

بقلم: شتيوي عبد الله
لأنني ابن الشعب وأحب الشعب، لأنني جزء منه وهو كل كياني، لهذا السبب أعطيت نفسي الحق في أن أتكلم عن هذا الشعب.
- يا حبيبي يا شعبي أنت القوي وفيك كل قوة التاريخ
- لأن قوة الحاضر ما فيهاش أمل.
-قوة المستقبل موش عارف يعني.

منين تيجي القوة في مستقبلك ومفيش قوة حاضرك ترتكز عليها؟؟! 
- وأنت يا شعبي يا حبيبي يا اللي كانت كل الدنيا تحكي حاضرتك
-  صيّرت نفسك مستهلك تاكل وتنام وتضيّع الأحلام
- أدمنت الأخبار كإدمان محششي الأفيون
- أدمنت الفول والطعمية ونسيت اللحمة الذكية  
-  تحلم بالورد وما تحبش تقطفه لأنك خايف من الشوك يجرحك  
- يا حبيبي يا شعبي لما أنت بتخاف من الشوك تحلم بالورد ليه اللي ما يقدرش يحقق حلمه يحلم ليه  ويتعب دماغه ليه؟ ينام أحسن!
- تفكر ليه يا سليل الفراعنة وكل العالم بيفكر مكانك؟ يوّرد لك يا شعبي أكل ولبس وعربيات، تتعب  ليه؟ نام نام في سابع نومة.. النوم أحسن لك.
- لكن يا ترى أنت نايم عالحرير وللا في المقابر؟؟ 
- نايم على الوهم وللا نايم على السرير؟؟

-  يا حبيبي يا شعبي. قوم ألحق حالك أنت كنت جبار وتقدر... قوم اتمرد على واقعك وابني البلد بأيدك... احلم حلمك وبأيدك حققه.
- فكّر لنفسك يا حبيبي.. خلي العالم يحكي عنك.
- قوم يا حبيبي أنسى البكاء عاللي فات اصحى اشتغل وكافح للبلد. 
- ليه واقف في نص سلمك؟؟؟ مجدك
-  ياللا يا حبيبي كمّل اصعد سلمك 
-  لا تخلي نفسك جسد تأكل لتعيش وتعيش لتأكل لا هم لك ولا غاية إلا أكل ومرعى وقلة صنعة وانظر حولك.. ونقولك كمان ليس بالخبز وحده يحيا الإنسان

موش عارف يا شعبي أنت بتحلم وللا أنا؟؟ وللا إحنا الاثنين عايشين في حلم وللا تايهين في نفس الحلم؟؟ ياللا نقوم من بدري ونصحى قبل ما تصحى الدنيا علينا، ياللا نخلي خلي صحراءك جنة  ومصانعك تكبر وتقوم وحتى يفتر الهكسوس أحمس اللي حررها  وبنى عجلها والكل يقول عنك عظيمة يا مصر.
أنا عارف إني كنت مريض وأحلامي كثيرة وأتمنيت أحقق حلم واحد هو (مصر للمصريين) وازرع فكري ويطرح ثمره، تكون شمعة تضيء عقولنا وتنير قلوبنا ونبني بلدنا ونقول يا مصر.