اللهفة على النظافة

الناس اللي بتتكلم عن النضافة وإن ذبح الخنازير هينضف البلد وإنها سبب الوباء..
أولاً: المكسيك وكل دول أوربا تربي الخنازير في مزارع منتهى النضافة غير الرعاية الصحية ومع ذلك الفيروس خرج من عندهم هما مش من مصر علشان حجتكم الفارغة بس.

ثانياً: لما أنتم ملهوفين على النضافة كدة وبتقولوا إن النضافة من الإيمان والصحة العامة وخلافه، ليه مبتنضفوش شوارعكم اللي أنتم أساساً ساكنين فيها.. اللي سايبين العشوائيات اللي بتنشر فيها أمراض رهيبة وانفلاتات أخلاقية كثيرة.. دة غير المناظر المخزية المنتشرة في كل ركن في المحروسة والباعة المتجولين وعلى الأرصفة.. واللي بتشوه صورة مصر قدام الأجانب وتخلي شكلنا بايخ.

هل قتل الخنازير وخراب بيوت مئات العائلات اللي عايشة على تجارتها والهجوم عليهم بهذا الشكل الوحشي هو الحل؟ رغم إني واثقة إن الحكومة مش هتعوضهم حاجة.. ولا علشان الخنزير عاملكم قلق في دماغكم وفي حياتكم كلها غير إنه مصدر رزق للأقباط عايزين تقطعوا رزقهم لأنهم كفار.. وبعد كدة الحكومة الوهابية تبني مزارع على كيفها وتربي فيها الخنازير زي ما هي عايزة علشان تتحكم هي في تجارتها اللي بتجيب دهب وتستفاد منها طبياً..
يا ناس اتقوا الله في تصرفاتكم وفي كلامكم واتكلموا بالحق مرة واحدة في حياتكم..
يا أقباط مصر لا تسكتوا على هذا الظلم البين ولا تستسلموا لأساليبهم الشريرة طالبوا بحقوقكم وارفضوا معاملتكم كمواطنين من الدرجة العاشرة لن تنالوا حقوقكم غير بأياديكم.
على موضوع: مواجهات بين الشرطة وأقباط المقطم لتسليم الخنازير.. والمربين يستنكرون!