مصر يا بلدى

الراسل: الفادى أدم
يا مصر يا بلدى عليه العوض فيكِ.
عشش فيكِ البوم، وغربان البين فى شوارعك وحواريكِ.
ياللى كنتِ شمعة منوَّرة، واتبدد الظلام بيكِ.
ياللى كنتِ منارة بتشع ضي للى حواليكِ.
ياللى كنتِ زهرة مفتَّحة، والأمل مالى عينيكِ.
ياللى كانوا ولادك زى النجوم، منورين لياليكِ.
ياللى كان شعبك برجولته وشهامته، بيحميكِ.

ياللى كان العقل زينتك، والحكمة ماسكة فى ايديكِ. 
ياللى علّمتى أهل الأرض معانى الإنسانية، والتاريخ يشهد ليكِ.
إيه اللى حصل يا بلدى؟ ومين اللى قتل معانيكِ؟
مين شوَّه صورة "مصر" الصبية، وخلاها عجوزة محنيـة؟
صورتك يا بلدى بقت مخيفة، والصحة ماعادت عفيـــة.
وملامحك بتقول إن ولادك خانوا عهدك، وباعوكى للوهابية.

وبقوا بناتك لابسين حجاب ونقاب، وشبابك غاويين الجلابية الباكستانية.
وايشى دقون، وزبيبة على الراس، وسواك، وريحة تجيب نزلة معوية.
وشوارعك مليانة زبالة، وناس فى الكورة ملهية.
والمسلم فيكِ يسمع الأذان يقول أروح أخلص الفرض اللى عليّ
ومدارس ما عاد فيها تعليم، ومناهج بتحرض ع الفتنة الطائفية.
ومؤسسات الدولة الفساد فيها بقى لناس كتير، هواية وغية.
تاريخك اتشوه، وخيرك انسرق، والسبب الأكابر الحرامية.

يارب يا بلدى تعودى كما كنتِ، منعرفش فيكِ المسلمة من المسيحية.
ويرجع عهدك الجميل، ونرجع نقول بكل إخلاص فى النية.
لو لم أكن مصريًا، لوددت أن أكون مصريًا..

على موضوع: المستشار مرسي الشيخ: الدولة تهمِّش الأقباط في المناصب العليا، بناءً على تقارير الأمن