|
الراسل: الفادي آدم (من شعراء المهجر)
ايه اللي فيكي يا مصر منسرقش
ايه اللي فيكي يا غالية مَنقشِّش قش
ياما خانوكِ الجرابيع وانفشوا فيك فش
وكل ده ليه؟ عشان امخاخ تعبانة وفكر هش
سرقوكس يا محروسة من العين اللس فيها الملح يترش
يا بلدي يا مصر يا حبيبتي يا غالية
ياللي طول عُمر هامتك بين الأمم عالية
لما كانوا ولادك بيحبوا الفنون الراقية
لما غنوا المواويل على شط النيل وجنب الساقية
لما سمعوا حليم وفريد وأم كلثوم وشادية
ايه اللي حصل يا مصر يا أم الدنيا الواسعة
الفكر الوهابي خلى عقول شبابك لاسعة
التماثيل حرام والرسم ضلال والفن بدعة
تركوا لويس عوض وأنيس منصور وبقى شيوخ الإرهاب لهم قدوة
طعنوا محفوظ وقتلوا فودة وحكموا على أبو زيد بالردة
امتى يا بلدي ترجعلِك هيبتك وكرامتك
وتبقي منورة بولادِك وتعلى بين الناس هامتك
ويحترم ولادِك تاريخِك وحضارتِك وفنِك
وكفاية بقى خفافيش الظلام تتكلم بالنيابة عنك
يا بلدي ياللي الرب في الكتاب المقدس اتكلم عنِك وباركِك
البر يا بلدى زي ما انتي عارفة يرفع شأن الأمة
واحنا عاوزين شبابك في حيوية وعزم وهمة
ويبعد عن الإدمان ويكون كله إرادة وقوة
وعشت لينا يا بابا شنودة يا مثال للحنان والأبوة
وعاشت لينا الكنيسة عن العالم حرة ومستقلة
على موضوع:
"كمال مغيث" يطالب وزير الثقافة بتقديم استقالته |
تعليقات الزوار 
الأصوات المشاركة فى التقييم: ٢ صوت
عدد التعليقات: ٠ تعليق
