ربنا يرحمنا

الراسل : semsem
زمان كان الشعب بيخاف على بعضه محدش كان بيعرف المسيحي من المسلم علشان كان في حب وأخاء بجد.. للأسف دلوقتي الإخوان يتسابقون علشان يمسكوا الحكم وهدفهم الدولة تكون مسلمة.
مجلس الشعب علشان يناقش قضايا الشعب وليست القضايا الدينية ازاي تفكر تبني مصر وطنك مش تبني على مزاجك مين يدخل البرلمان، وفلان علشان مسلم إرهابى ينفع وفلان مسيحي مينفعش
إزاي العلماء أبناء مصر سواء مسلمين او مسيحيين تفوقوا خارج مصر، شباب بلدك مش هيلاقى الخبز بكرة يأكله.
حلوا مشاكل البطالة فكروا إزاي تغيروا سلوكيات الإنسان المصري إلى الأحسن بدل الحقد اللي جوه قلوبكم... فكروا إزاي نحل أي أزمة تمر في بلدنا مصر.
إزاي نتطور زي الدول العربية والأوروبية المتطورة ولا التطور ضد الديانات او ضد الإخوان او هو حرام.. ربنا مش عايزني أصلي وأقتل أخويا برة الجامع، لو فكرت تبني مصر وتطورها هتنسى إنت بتتعامل مع مين مسيحي ولا مسلم... ربنا يرحمنا
 
على موضوع: الإخوان المسلمين ....والبرلمان المصري