عجيبه يا مصر

بقلم: وليم سدراك
عجبي عليكي يا مصر يا بلدي
ياللي الكوره الكاوتش فيكي اغلي من ولدي
فرحتي بمتعب و جدو و نسيتي الحزن عندي
و بكره ترقصي مع هزه الحضري افندي

عجبي علي صعايده فيكي يا مصر بشنابات
قالوا بعلو الصوت صور بناتنا في التليفونات
طيب يا مصر انتي اشهدي مين شال الهدوم من عالبنات
و الا انتم بقي بناتكوا بقم بنات سهلات

عجبي عليكي يا مصر مش عايزك تكسبي
و بكره كمان نفسي تاني علي الكوره تندبي
هتقعدي لامتي يا مصر تنسيني لما تلعبي
يمكن تفتكري حزني يا مصر لما من الجزاير تتأدبي

عجبي عليكي يا مصر فيكي واحد ايوب
اتمسكن لما اتمكن و فيكي دايب دوب
و احنا كلنا يا مصر طلعناه من القلوب
عملتيها علينا بجميله و هو علينا مش محسوب

عجبي عليكي يا مصر يا ام قلليني
غضبتي عليها لما قاليتلك علي بكي عيني
ما هي النار كوت قلبها و هي بتكوينني
اخويا و اخوها راحوا و انتي ما عزيتيني

عجبي عليكي يا مصر فيكي لسه غيلان
بيموتوا و يقتلوا ما فيهم روح انسان
هتجيبيلي حقي منهم و الا اللي كان كان
وهما وقت الحساب بيلبسوا براقع النسوان

عجبي عليكي يا مصر جايالي بالاعلامِ
طب ازاي امسكوا و انتي ضرباني بالاقلام
و قلبي يا مصر مستني بس مليان الام
كفايه بقي يا بلدي خلص الكلام