تلغرافات

بقلم: د. رأفت فهيم جندى
فى ميلاد المسيح
الملك هيرودس قتل اطفال بيت لحم علشان كان متهيأله انه حاياخد المُلك من ابنه، ومبارك قتل اطفال اللى بايع المُلك لأبنه، مين الأفضل فيهم؟

 الرئيس مبارك
وزير الصحة قال انه سمع مثل غيره عن اعدام الخنازير، هل مصر تحكمها المؤسسات والا سلخنات التطرف؟

وزير الصحة المصرى
لو كنت وزير فى حكومة غربية وما استشروكش وذبحوا فرخة بأسم الصحة كان الشعب الواعى كله حا يكاكى ويخلى الحكومة تبيض.

عمرو الليثي
طلعت ليث بصحيح وخليت وزير الصحة يفضح مرض تعصب خنازير الحكومة.

مجلس الشعب المصرى الوهابى
انتم ساويتم نفسكم بالخنازير وقلتم يا احنا يا هما.

الرئيس اوباما
كملت سنة، تا... تا... شوية.... شوية، بكرة حا تتعلم تمشى على طريق بوش.

الآباء الكهنة فى كل كندا
ذكركم شهداء الكشح واحد واحد بالأسم خلانا نشعر اننا فعلا نستاهل أنه يتقال علينا أبناء الآباء.

ابونا مرقس عزيز
تشريفك لنا بالكلام عن الأهرام الجديد خلانا نشعر اننا بنعمل شئ، لكن احنا برضه فاهمين ان ربنا بيختار الضعاف علشان يعمل بيهم.

المنتقل عدلى ابادير
بعض من اللى رثوك مش فاهمين انك انت اللى بترثى لهم من ذاتيتهم.

المنتقل عدلى ابادير
موقعك هو شمعتك اللى سبتها والعه، لو ما كملوش بنفس قوتك يبقى بيطفوها.

المتنيح ابونا منقريوس
65 عام من الخدمة والمسيح يعرف كويس انت عانيت قد ايه، لم تعمر فقط فى السن ولكن تعميرك كان من بنى مزار وطالع لغاية اوتاوا.

اقباط بهجورة وفرشوط ونجح حمادى
الكثير منا بيتبرع ليكم، ولكن البعض مستنى البيات الشتوى الروحى يخلص علشان يطلعوا!