ثوار السويس فى مليونية الكارت الاحمر : ارحل غور خلى مصر تشوف النور

رأفت إدوار | 2012-12-07 15:44:09

كتب : رأفت إدوار
نظم مئات المتظاهرين من شباب الثورة والقوى السياسية عقب صلاة الجمعة فى ميدان الاربعين بالسويس مظاهرة غاضبة ضد الاخوان المسلمين و ضد الرئيس مرسى مطالبينه بالرحيل فى اطار " مليونية الكارت الاحمر " .

حيث ردد المتظاهرين هتافات " ارحل غور خلى مصر تشوف النور " و " ارحل يعنى امشى ياللى مبتفهمشى كلموه بالعبرى مبيعرفشى عربى " و" دكتاتور دكتاتور وانت يا مرسى عليك الدور " و " ارحل .. ارحل " و " يسقط يسقط حكم المرشد " و" يا مبارك قول لمرسى الزنزانة بعد الكرسى " و " انا مش كافر اما مش ملحد يسقط يسقط حكم المرشد " رافعين صور الرئيس جمال عبدالناصر مرددين " عبدالناصر قالها زمان الاخوان ملهومش امان " و " حياة دمك يا شهيد الثورة رجعت من جديد " و " الشعب يريد اسقاط النظام " و " ولا اخوان ولا سلفيين كدابين كدابين ".

كما اتجه عدد كبير من الحركات الثوريه واعضاء جبهة انقاذ مصر والقوى الحزبية الى التحرير للمشاركة فى مليونية الكارت الاحمر لاعلان رفضهم لقرارات الرئيس مرسى ورفض الاعلان الدستورى والاستفتاء على الدستور المعلن.

واكد قيادات الاحزاب والقوى الثورية والسياسية على وصف خطاب الرئيس بالهزيل وان الخطاب زاد الغاضبين غضبا بعد مدافعته عن جماعة الاخوان عما ارتكبته فى حق الشعب المصرى من جرائم.

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع