بالفيديو .... جونى يطرح "اضرب صحوبية" من البومه الجديد

| 2012-08-28 22:05:39

كتب-عماد توماس

طرح المطرب الشاب جونى على اليوتيوب أغنية "اضرب صحوبية" من البومه الجديد "مترو" التى تقوم شركة بيراميديا بتوزيعه.

الأغنية من كلمات والحان أنطونيوس نبيل، توزيع وليد ميمنى، وشارك جونى فى الغناء الفنانة إيمان فؤاد وسبق وأن قدما سويا أغنية "نخلق وطن" على المسرح المكشوف بالأوبرا.

يضم البوم "مترو" المزمع طرحه قريبا 10 اغانى وهما " مترو - بوسة بلون الشمس - حرب شاملة - الجوع كسرنا - وابتسمتي - اضرب صحوبية - انا الصعلوك - علبة كبريت - تانجو - ماليش اوطان".

الجدير بالذكر أن جونى قدم عدة اغانى مساندة للثورة المصرية تميزت بطابعها الخاص وكذلك تقديمه للأغانى العاطفية.. وهو لون غنائى متميز قال جونى انه مستمراً معه فى البومه الجديد مع وجود تنويعات فى الحالات الموسيقية. وتقول كلمات الاغنية :

اضرب صحوبية مع الأحزان

واتمشّى معاها على الكورنيش

ضُمّها بإيدين مليانة حنان

قولها عن سرك ماتخبّيش

قولها دانا حاسس إني وحيد

وقلوب الناس شايلالي جراح

لو لسه ف عيني الفجر بعيد

ف عينيكي طريق الحلم براح

قولها مخنوق مش لاقي كلام

وانتي اللي رسمتي دموعي حروف

حلّفها بكرهك للأيام

ماتسيبش ف قلبك نقطة خوف

واسألها كمان عن أحوالها

دوّر على نكتة تقولهالها

ماتكونش الصفر على شمالها

خطّي و خلّيها تخطّي معاك

ويا الأحزان هتكون إنسان

جايز يتحول يبقى ملاك

ويا الأحزان هتكون إنسان

أحزانك أجمل شيء جواك

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع