فين الكلام

| 2012-06-22 00:00:00

فين الكلام

اللي يعبر عن الآلام

ألمي من قوته

يتحكى في 5 أيام

مش لاقي سلام

الفرح بقى أوهام

النفاق هو اللي فايز

والصادق يروح ينام

الكل يربط الحزام

أوعى تدخل الحمام

الأكل اللي في بطنك

لو خلص يبقى حرام

الخسيس بقى الهمام

والهمام دايمًا يتلام

تعبت خلاص

وخلص مني الكلام

ليه كل يوم شكل التاني؟

بتفوت سنين وأنا وحداني

وما فيش حد فاهم رطني

يمكن بتكلم ألماني

طاب حفضل كده أنا أعاني

وما فيش ودان هنا سمعاني

طاب حد يتعب ويركز

يمكن يسمع مني معاني

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع