"جوني" يطلق أغنية جديدة بعنوان "فراشة ودبابة"

أطلق المطرب الشاب "جوني" أغنية جديدة بعنوان "فراشة ودبابة"، استكمالًا للروح الثورية التي يقدمها في أغانيه، وهي من كلمات وألحان "أنطونيوس نبيل"، وتوزيع "وليد ميمني".

 

تأتي الأغنية بعد عدة أغاني أطلقها "جوني" لمساندة الثورة المصرية، منها أغنية "كمين"، و"لمستِك في الضلمة نور"، و"مشروع شهيد"، وهو يستعد حاليًا لإطلاق ألبومه الجديد "مترو"، بالتعاون مع شركة "بيراميديا" قريبًا.

 

اختلط الحابل بالنابل

ف معارك مش واصلة لمعنى

وبارود العالم مش قابل

أنا وانتي الأحلام تجمعنا

 

دبحوا الأشجار زرعوا خنادق

بدل الورد بيهدوا بنادق

حاشينها بطلقات كوابيسهم

قدام بنادقهم مش فاضل

غير غنوة ف قلبنا بتناضل

مهما يحاصروها بمتاريسهم

 

على كفك أنا كفي متبّت

بنحطّم قوانين الغابة

جوانا الفراشات بتنبّت

قادرة تشيل أجدع دبابة

وتطير بيها لأعلى سحابة

علشان في الآخر تفلتها

وتطير بيها لأعلى سحابة

وتسيبها.. الأرض تفتفتها

نضحك على منظر تكسيرها

الخوذ القاسية تودعنا

الدنيا تلملم عصافيرها

ونغنّي ماحدش يمنعنا

 

وقتها أول ما هنتلاقى

هألمح ف عيونك طفلتنا

مش خايفة وهيا بتتشاقى

ف عينيها بتكمل غنوتنا

 

والعالم كله بيسمعنا