بلال فضل: الإخوان كانوا مع مبارك ضد الثورة والميدان رفع شعار يسقط الرئيس القادم، هي دي الديمقراطية؟

أماني موسى | 2012-05-25 18:37:04

*أنا خصم سياسي للإخوان وهعارض مرسي بضمير مستريح.

* الشعب حلو لما يختار اللي إحنا عايزينه ساعتها بس نقول الشعب يريد.. لو اختار خصومنا يبقى جاهل وفيه العبر. هو ده مفهومنا للديمقراطية.

* ميدان التحرير رفع من زمان شعار يسقط الرئيس القادم.هي دي الديمقراطية. نجاح فلان وسقوط فلان.

كتبت: أماني موسى

علّق الكاتب والسيناريست بلال فضل على مؤشرات نتائج الانتخابات بقوله: الإخوان فرحانين بمؤشراتهم بس لو كان عندهم عقل كانوا عرفوا أنهم غلطوا غلطة عمرهم .ده نص اللي انتخبوا شفيق عملوا كده من كراهيتهم لهم. بلال فضل

.مضيفًا: لو الإعادة بين مرسي وشفيق هتختار مين شفيق ولا مرسي. كده كده هاعارض الإتنين بس هاعارض مرسي بضمير مستريح

مؤكدًا بقوله: أنا خصم سياسي للإخوان وللإستبن بس مش فاهم حالة المناحة اللي بتصور إن الثورة ضاعت. ما الإخوان كانوا مع مبارك ضد الثورة ولا أنا فاهم غلط.

مناشدًأ الجميع باحترام نتائج الانتخابات أيًا كانت قائلاً: الشعب حلو لما يختار اللي إحنا عايزينه ساعتها بس نقول الشعب يريد.. لو اختار خصومنا يبقى جاهل وفيه العبر. هو ده مفهومنا للديمقراطية !

مختتمًا: ميدان التحرير رفع من زمان شعار يسقط الرئيس القادم.هي دي الديمقراطية. نجاح فلان وسقوط فلان.