مجَـرَّد صُورة في ملعب كورة

بقلم:عزمي إبراهيم

رَح اصَـوَّرلـَك... أسـوأ صـورة

لـو تتخيـِّـل "الـديـــــن" كــُـورة

ولـو تتخيـِّــل "مصـر" المَلعـَب

واحنـا ف ماتش الكـورة بنلعـَب

واللي ف رجله الكورة حَيكسَب

***

يبــقى بدال ما نصـون الديـن

جـُـوَّة القلــب، وجـُـوَّه العيـن

نازلين فيـه بالرجلين

ضرب ورفص شمال ويمين

***

 

صورة غريـبة

صورة كئيــبة

للعبـــة عجيبـة

تخلـّي حياتنــا بجَـد عصيبة

لعبة تجيب لنا ألـف مصيبة

والفريقيــن

فريق بيهاجم

فريق بيدافـع

ولا دا نافـع، ولا دا نافـع

وما حَـدِّش فيهم الكسـبان

 

مهمــا ان كــان

عارف مين يبقى الكسبان

الشيطــــان

مجرد صورة

في ملعب كورة

•••

حقولك كلمة وخليك فاكـر

ولـو تنساها ارجــع ذاكـر

مبــدأ حُطـُّـه قــدام عينــك

لو حتهيني.. أنا رَح أهينـك

تخربش ديـني حَ اخربش دينـك

ديـَّـه نصيحة خـُـدها بجَـد

مافيش حَـد أحسن من حَـد

دينـــك واجــب "انــت" تصـونه

مش حتهيـنه

وغيـرك برضه لدينــه يصـون

مش في الملعَب مش في الجُون

مش حنصون الدين باللعــب

الديـن ينصــان جـُـوَّة القلــب

جـُـوَّة كنيسة وجـُـوَّه الجـامع

لا في دستور ولا في مجامع

ولا في بطاقة ولا في ديوان

لا تفرق مرقس عن عثمان

حنبقى اخــــوات متحابيـن

رغم الفرق في اسـم الديـن

والكسبـــان

اِحنــا الإتنيـــن

 

جميع الحقوق محفوظة للأقباط متحدون © 2004 - 2011 www.copts-united.com