عايزين بسرعة رئيس

| 2012-04-04 00:00:00

عايزين بسرعة رئيس
ما يخليش حد تعيس
يجبلي شغل وشقة
ويخليني أحلى عريس
رئيس بيحترم القبطي
يخليه يبطل يوطي
يرجع لعيب أساسي
مش متساب احتياطي
رئيس صاحب قرار
شاطر في الاختيار
يختار أنسب حكومة
كلها عزم وإصرار
يكون رئيس شجاع
ويعوض اللي جاع
يوفر كل حاجة
ويرجع بلد أتباع
رئيس يكون حيادي
يوحد الأيادي
فتبقى مصر قوية
ويخاف منها الأعادي

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع