كلاكيت تاني مره: "كلنا خالد سعيد": ليكن 25 يناير هو شعلة التغيير في مصر

ماريا ألفي إدوارد | 2012-01-15 17:06:37

كتبت: ماريا ألفي
وجهت صفحة "كلنا خالد سعيد" رسالة عبر صفحتها الرسمية على موقع التواصل الاجتماعي "فيسبوك"، وجهت خلالها عدة تساؤلات، جاءت كالتالي:
لحد امتى هنفضل عايشين في ذل وهوان وقمع وخوف بسبب قانون الطوارئ؟
لحد إمتى هنشوف المصري بيتهان مش بس في بلده لا وكمان بره بلده؟
لحد إمتى هنفضل ساكتين وراضيين بالأوضاع الاقتصادية المزرية؟
لحد إمتى الشباب هيفضل مش عارف يشتري شقة ولا يتجوز؟
لحد إمتى هيكون فيه أكتر من ٢ مليون عاطل على القهاوي؟
لحد امتى هيفضل فيه دكتاتورية في الحكم وحزب مسيطر على كل البلد؟
لحد امتى هيفضل القانون مش بيتطبق غير على الضعيف؟
لحد إمتى هنفضل ساكتين وراضيين ومتهانين؟
لحد امتى هنرضى إن العالم كله بيقول على المصريين جبناء وبيخافوا؟
لحد امتى هيفضلوا يضحكوا علينا ويقولوا خليك في أكل عيشك؟

الإجابة: لحد ما كلنا نتحرك ونفوق مع بعض لأن مفيش حكومة تقدر تقف ضد مطالب الشعب لو احنا وقفنا كلنا مع بعض".

وفي سياق متصل؛ طالبت الصفحة الجميع بالنزول يوم 25 يناير القادم، وعدم السكوت والاستسلام للظلم، مؤكدين على أن يوم 25 يناير هو بداية شعلة المطالبة بالتغيير الفعلي في مصر.

وأشاروا ختامًا إلى أنه سيتم تحديد أماكن للتظاهر الاعتصام، ولن يتركوا أماكنهم مهما حدث.

يُذكر أن صفحة "كلنا خالد سعيد" هي أول من وجهت دعوات للنزول يوم 25 يناير 2011، ودعت الجميع للثورة على الظلم والفساد والاستبداد.