بعتب عليكي

| 2011-11-03 10:57:34

بعتب عليكي ياوطني. أقصد يااللي كنتي وطني
قبل ما ترخصيني وتهينينى وتبيعي كرامتي
ببكي من قسوة قلبك اللي مش شايف فيه غلاوتي
مش قادر أعيش فيكي ولا قادر أسيب أرضك وأمشي
طب قوليلي لو مشيت فين هلاقي قبر أبويا وأمي
معقول يا وطني فيكي تتخطف بنتي و تتحرق كنيستي
شوفتي المدرعة اللي كنت بيها بدافع عنك بحمي أرضي
هرست جسمي في ماسبيرو وسال على أرضك دمي
بعتب عليكي علشان حاسس إني غريب في بلدي
طب قوليلي لو سبتك مشيت منين هتجيبي ابن زيي
بعشئك بعشق ترابك واخاف عليكي ورملك دا تبر عندي