جرى إيه يا بلدي؟

| 2011-11-02 00:00:00

بقلم: عصمت لويز
جرالك إيه يا بلدي؟ دا أنا صبح وعصر بحكي عنك لبنتي وولدي، وقلتلهم عن الحب اللي مالي أرضك، قلتلهم عن القمح وخيرك وزرعك، وقلتلهم عن النيل اللي بيجري على أرضك، ودلوقتي.. دلوقتي جرالك إيه يا مصر؟ جرالك إيه يا مصر؟ جرالك إيه يا بلدي؟؟.

ليه يا مصر أولاد الشريعة لبسوكي توب الظالمين؟
يأدنوا ويصلوا بدم المسيحيين، وإيديهم وقلوبهم مليانة وحل وطين!.
كان فين كل ده يا مصر؟
كان فين كل ده يا مصر؟؟
ياللي سمارك على وجه عذارى حلوين، سمارك بيبكي يا مصر، ومن أصحاب الدقون بأيوا خايفين..
جرالك إيه يا مصر؟؟ جرالك إيه يا مصر؟؟
جرالك إيه يا بلدي؟

شبابك يا مصر قاموا بثورة، وقلنا أهي الشمس طلعت والحواري الضيقة بقيت شوارع وكبرت، وصرخوا الصارخين صرختهم، وقلنا نفتح أبواب الحب بفرحتهم، ولكن السلفيين والإخوان الغادرين خلو العسل مُر بمكرهم وشرورهم..

جرالك إيه يا مصر؟
جرالك إيه يا مصر؟
جرالك إيه يا بلدي؟؟

جرالك إيه يا أم البلاد يا بلادي، ياللي اسمك غنوة علمتها أنا لولادي.
جرالك إيه يا مصر؟ يا أم البلاد يا بلادي، ياللي اسمك غنوة علمتها أنا لولادي، وفي الغربة بأهرماتك يا مصر بأفتخر، وبنادي وبقول للعالم تعالوا وشوفوا "مصر" أرض أبويا وأمي وأجدادي.

قالولي بقيت مليانة دم، وظلم، وَهَم..
قلتلهم ياريتكم شفتوها "مصر" وهي مليانة ترانيم وأغاني.

جرالك إيه يا مصر؟
جرالك إيه يا مصر؟
جرالك إيه يا بلدي؟؟
فين يا مصر توبك اللي كان عليكي منور وبيلالي، ومسرحة شعرك الأسود يا مصر اللي بيقول مواويل حلوة بأغاني؟؟.

شعب الصليب اللي الأرض أرضهم يا مصر، والزرع زرعهم يا مصر، والشمس شمسهم يا مصر، بيصلولك تقلعي يا مصر توب الشريعة اللي حطَّمك سنين وليالي..

جرالك إيه يا مصر؟
جرالك إيه يا بلدي؟؟