فوازير ماسبيرو

| 2011-10-28 00:00:00

الراسل: أبونا عبد المسيح

هنفزر مع بعض شــويه
بس أوعوا تستنوا هــدية
مش هكتب ليكم أشــــــعار
دا أنا هحكي فوازير حقيقية

حاجة بتمشي بعجـل داير
تقــتل ورد ولـــسه بشـــاير
ممكن تبقي صحيح مسروقة
ولا كـــــلام الحـــق مُـغاير؟

واحد ماشي في إيده نبوت
يضرب بيه ضــــربة موت
حد يقولي ده إنــــسان؟
ولا دا دميــة تقودها خيوط؟

واحدة غريبــة بتزود ناري
قال نجمة ف برنامج إخباري
تهذي وتفتي بكلام مغـلوط
ويقولوا الـصدق الإعـــلامي

أما سكوتنا فيه واحد ســامعه
واللي هيبكي هيمسح دمعه
فوق العـــالي عـــــالي يلاحظ
ده فــدانا أنا وأنــت بدمـــه