غضب اللــه

عزمي إبراهيم | 2011-10-23 00:00:00

بقلم:مهندس عزمي إبراهيم

لمَّا يا جيـش مفروض تحميني

ليه بتهينـّي وليه تؤذيـني

هل طنطاوي فاكرني يهودي؟

أو كان قصـده يلـغي وجودي؟

طب دنا مصري ومصري أصيـل

وانا عمري من عمر النيـل

يا طنطاوي

عهدك زي العهد الماضي

في هدم كنايس وسلب أراضي

وخطف بناتي وهتك اعراضي

وعُنـف وفوضى وكلام فاضي

ليه تتسابق مع اجرامه

وليه بتكرر ظلـم ايامه

وبتزوِّدها كمان وتدوسـني

بمدرعتك جايْ تدهسـني

وجايْ مندوبك آل بيبوسـني

اقتـل واظـلم وانكـر واكـذب.. واللــه عالـِم

واللــه هو اللي حيحرسـني

وغضَب اللـه حيهـِد "الظـالم"

زي ما هـَـدّ وهـَـزَّأ حُسـني

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع