"العسكر يعني حرامية والثورجية بلطجية والديمقراطية زمانها أهي جاية" أحدث أغاني شباب الثورة

أماني موسى | 2011-10-07 12:11:12

كتبت: أماني موسى

تحت عنوان "الشعب يريد" أطلق عدد من شباب الثورة أغنية جديدة تتحدث عن أوضاع مصر ونتائج وثمارة الثورة.

الأغنية من كلمات وألحان "أيمن حلمي"، وغناء وتوزيع "شيرين عبده"، أكورديون "وائل السيد"، كي بورد "روبرت"، جيتار "حسام غالب"، إيقاعات "أمير".

وتقول كلمات الأغنية:
واطى يا واطى.. وحلو العالى .. بس العالى بعيد
انسى وطاطى .. قول أنا مالى .. مش هتعانى أكيد

يعنى الخير فى سلامة وسلامة فى خير
استقرار على عيبه ولا التغيير !

يعنى العسكر تانى ... يعنى الحرامية
يعنى الكلمة تاني قصاد البندقية
يعنى الثورجية يبقو بلطجية
والديموقراطية فى السكة زمانها جاية
وجايبة معاها عيش ..وحرية ..وكرامة إنسانية ..وحاجات
يعنى أبوك السقا مات

يعنى الورد يفتح ياخدو منه عينيه
يعنى صوت العود الأخضر لما يدوسو عليه

أنت تريد وأنا أريد والشعب يريد
أمّال مين هش لنا الفرخة وقعد على البيض؟
كان ياما كان .. ناس في ميدان .. ومعتصمين
مطلب واحد وأمل واحد ..عايزين نبقى بني آدمين

لسماع الأغنية انقر هنـــــــا