"الفتنة أم بتاعة" للرد على أحداث إمبابة

أماني موسى | 2011-05-09 17:52:51

كتبت: أماني موسى
عقب أحداث إمبابة تغني الشاب المصري "محمد النحاس" مطرب الراب، بأغنية حملت عنوان "الفتنة أم بتاعة" يشير فيها إلى أسباب الفتنة بمصر ويُرجعها للنظام السابق الذي استخدم بعض التيارات الدينية كفزاعة للمصريين.
وأوضح من خلال كلمات الأغنية أن المصريين هم وحدة واحدة مسلمين ومسيحيين كفرعي النيل (والنيل متوحد في الاخر رغم الفرعين).
يذكر أن الأغنية من كلمات "محمد السيد" ومن إخراج "وائل أحمد عبد الله".

وأن "محمد النحاس" قد تغنى بعدة أغاني عقب ثورة يناير كـ (أنا مش أسف ياريس ويتربى في سجنه).
وتقول كلمات الأغنية:

محسوبكم صابر من بدري
ساكن في الحي العشوائي
عضو في جمعية مش لاقي
والصبر جميل
ومواطن بشرب من نيلها والوصل دليل
وادي وصل النور
وادي صورتي في جمعة "هات حقي" جوة التحرير
ومواظب على حب بلادي ومتفائل خير
وبحب جمال عبد الناصر ورفضت جمال ابن مبارك
وحاربت جِمال يوم الأربع وحاربت حمير
وبحب الجيش والدبابة وماليش في الخيلة الكدابة
وطابور العيش وسط غلابة خدوا مني كتير
ووقفت في لجنات شعبية وبحب الوحدة الوطنية
وصحابي الفول والطعمية دول أجدع ناس
ووقفت وصليت الغايب جوة القداس
على روح الورد اللي مفتح في جناين مصر
وعرفت الخاين والقاتل وكلاب القصر
وعرفت كمان إن الدلتا دي علامة مصر
والنيل متوحد في الأخر رغم الفرعين
وعرفت حقوقي المتباعة وعرفت أجندة وفزاعة
وأكلت الكنتاكي إشاعة وخلعت رئيس بالخلاعة
وعرفت الفتنة أم بتاعة كات جاية منين
والطلقة اللي في كتفي عارفها مش طلقة دين
الدين في كنايس وجوامع
أما اللي بيهتف في الشارع دول مصريين

لسماع الأغنية انقر هنا