الواحد بجد مش عارف يقول إيه

| 2011-05-08 15:51:16

الراسل: مصرية مسلمة
انا عاوزة اعزى اخواتى المسيحيات فى اللى ماتوا امبارح واللى لسه فى المستشفيات مصابين
لكن قبل ما انطق بكلمة عزاء لازم اصرخ ... اصرخ بعزم مافيا من قوة واقول يا جيش يا حكومة اين القوة؟ لازم المجرمين اللى هجموا على الكنايس دول يتلموا كلهم واحد واحد وتكون فى احكام عسكرية رادعة عليهم ...

كفايانا طبطبة وكلمة الخوف من اشتعال الفتنة ... مفيش حاجة اسمها فتنه ... مفيش مصريين اسوياء سواء مسيحين او مسلمين عاوزين يأذوا بعض او يخربوا بيوت بعض ...كلنا عايشين مع بعض اصدقاء واخوات وبينا عيش وملح ... لكن اللى عاوز كده هو اللى عاوز يمسك البلد بالعافية اللى لابس قناع التدين وهو لايعلم عن الدين شئ ... ارجو كل من له سلطه فى هذه البلد ان يحاسب هؤلاء المجرمين وكل اللى بيحرضوهم ... مصر رايحه على فين ياناس... يارب استر على بلدى وعلى اخواتى مسيحين ومسلمين وابعد عنا كل شر