مـصـــر

| 2011-05-04 00:00:00

بقلم: بيشوي مكرم
ده انتي مصر. مصر مش حد غيرك
أكلت وعايش طول عمري في خيرك
والكلام من ترابك وسماك وطيرك
اللي تكرهني فيكي وأنا ليا مين غيرك؟!
والسياسة وناسها نسيوا خيرك
هايفضل ليكي ومش لغيرك
وينهبوا ويقتلوا ضيفك
شغالين لما و قفوا سيرك
عمالين يجربوا لما هدوا حيلك
و شايلة يا أمي ومستحملة بجد كتر خيرك
أنت عملتيهم عارف و شاكر جميلك
وفتن واضطهادات بأقف وأصليلك
ويجى اليأس بالفرج والصلاح بادعيلك
ده حتى انتمائهم راح لغيرك
والظلم و كتير ما انتي عارفة هو أنا اللي هاحكيلك
أروح فين و أشكي لمين كل أما أتعب أجيلك و بهمومي أرميلك
بس انتي قومي وشدي حيلك
وكل واحد من اللي عنده يديلك
والحب يرجع ونشوف هلالك جواه صليبك
ها شتغل أنا وهحاول يمكن أردلك شوية من خيرك