ضحكة الوطن

توماس بشاي | 2011-04-21 10:37:04

بقلم: توماس بشاي
مالها ضحكتك يا وطن
مش عارف تكملها
قاعدين نضحك فيك
ثورة وعملنالك
موت وموتنالك
...مش راضي تضحك ليه
بتحب تبقي مكشر
و لا انت بتحب إيه

رسمنا ليك الضحكة
و الدم كان ألوان
مش راضي ليه تلون
الرسم مش تكفير
و الضحك مش تكفير
و لا انت خايف منهم
و من الكلام عنهم
طب ليه بتحميهم
و هما منعوا الضحك
و قالوا عنه حرام
خايف من التكفير
و لا من التفكير
طب ليه بتحميهم
أوعي يا وطني تكون
ف يوم من الايام
يا وطني زييهم

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع