بالفيديو.. عمرو أديب يروي تفاصيل رعب يوم 26 يونيو 2013

| 2016-10-27 12:22:09

كتب: محرر الأقباط متحدون

روى الإعلامي عمرو أديب، تفاصيل يوم 26 يونيو 2013، بأن جاءه اللواء سامح سيف اليزل، وحذره من أشخاص ينوون قتله، ودعاه أن يغادر منزله، قائلًا "جالي، الله يرحمه سامح سيف اليزل، وقالي انزلوا من البيت دلوقتي لأن فيه ناس جاية تقتلكم، خدت مراتي ونزلت .. وسألته نروح فين ؟ قالي روح للفندق اللي جنب مدينة الإنتاج الإعلامي (الموفي نبيك)".

وقال "أديب"، خلال تقديمه برنامج "كل يوم"، على فضائية "ON E"، أنه نفذ طلب سيف اليزل وأخذ زوجته وذهب للإقامة فى فندق موفنبيك بجوار مدينة الإنتاج الإعلامي، مضيفًا "جايز يكونوا هيلمونا كلنا في حته ويضربونا ضربة رجل واحد .. فضلت أسوق نص السكة وألف وأرجع تاني لغاية لما وصلت عند (الموفي نبيك) " وأنه حين وصل الفندق وجد عسكري ودبابة فوقها مدفع رشاش أمام الفندق، ردد هاتفًا: "قلت الله أكبر، وقعدنا في فندق موفنبيك 30 يوم".

وأكد "أنا هقولكم اللي أنتوا تعرفوه ، في مقابلة من المقابلات كان قاعد فيها خيرت الشاطر ومحمد مرسي وهشام قنديل وعبد الفتاح السيسي ، ويوميها أدوله (السيسي) قايمة بالأسامي و قالوله دول يتقبض عليهم ، يوميها السيسي قالهم : الجيش مبيقبضش على حد".

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع