وائل غنيم: ولي ولي عهد السعودية أشترى يخت بـ550 مليون دولار.. وبيطالب شعبه بالتقشف

محرر الأقباط متحدون | 2016-10-19 16:42:13

كتب: محرر الأقباط متحدون

نشر الناشط السياسي وائل غنيم، عبر حسابه الرسمي على موقع التواصل الاجتماعي "فيس بوك"، تعليقًا له على شراء ولي ولي العهد النائب الثاني لرئيس مجلس الوزراء وزير الدفاع بالمملكة العربية السعودية محمد بن سلمان، يخت يقدر بقيمة 550 مليون دولار.

وكتب "غنيم"،: "الأخ محمد بن سلمان كان في أجازة صيفية في جنوب فرنسا في صيف 2015 بيستريح بعد قرارات الإجراءات التقشفية الاقتصادية اللي خدتها الحكومة السعودية كرد فعل لانخفاض أسعار البترول العالمية"، حسبما أفادت الوطن.

وتابع "غنيم"،: "في أثناء الزيارة شاف يخت بيمتلكه ملياردير روسي إسمه يوري شيفلير، فعرض عليه إنه يشتريه.. صاحب اليخت مكانش عارضه للبيع ولكن بسبب إصرار محمد بن سلمان اتفقوا على سعر 550 مليون دولار (يا بلاش!) مع إن الراجل اشترى اليخت في 2011 بـ 330 مليون دولار. يعني الأخ محمد بن سلمان قرر يصرف ما يقرب من ضعف تكلفة اليخت لمجرد إنه "عايزه دلوقتي"!".

وأكمل الناشط، ""شاب عمره 31 سنة، تقريبًا مشتغلش في حياته أي شغلانة تبرر الثروة اللي معاه (غير طبعا شغلانته كسمو الأمير)، قرر في بضع سويعات يصرف مبلغ يزيد على 2 مليار ريال سعودي عشان يشتري يخت مش هيستخدمه غير كام يوم في السنة في نفس الوقت اللي بيطالب فيه شعبه إنه يقبل الإجراءات التقشفية اللي فرضتها الحكومة..ولما الناس تعترض وتتكلم يقول لك مؤامرة .. ياخي أنا حقا أعترض".