يا ناقشني على كفّيكْ

زهير دعيم | 2010-12-03 00:00:00

بقلم : زهير دعيم
يا ناقشني على كَفّيكْ
ومْخبّيني جوا عينيكْ
أنا زهرة صغيره بستانك
أنا همسه بتحنّ إليكْ

زَلّة عمري بتواريها
وعلّة بدني انت شافيها
كلّ الدُّنيا وكلّ ما فيها
بتتحرَك بأمر إيديكْ

فرحة قلبي أحِبّ الفادي
أنا وأقريبي وكلّ وْلادي
أنت ربّي ، حامي بلادي
كلّ مُتكلي عليكْ

دُقّ الباب ودقّ قلوبْ
وامسح دمعة كلّ مغلوب
قلوبنا بحبَّك بتذوب
يا ناقشنا على كفّيكْ

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع