السيسي عن العشوائيات: «قلت لا يمكن نسمح بيها.. لو هنقسم اللقمة والله»

قال الرئيس عبدالفتاح السيسي ، الاثنين، خلال افتتاحه المرحلتين الأولى والثانية بمشروع الإسكان الاجتماعي بحي الأسمرات بالمقطم، تعليقا على صور العشوائيات: «أنا لما كنت بشوف الصور اللي بتيجي في التليفزيون كان بيوجعني الشكل ده وبقول للمصريين لا يمكن نسمح بيه.. لو هنقسم اللقمة والله»

 

وأضاف السيسي: «إحنا لما حرصنا على إن جمعية الأورمان تكون موجودة هنا حرصنا على إننا نشاور على كل واحد بيمد إيده وجهده، فيه 4500 قرية

عايزين نقوم فيها بالتطوير اللي حصل النهاردة، وفيه قرى أكثر احتياجا وإحنا بنتكلم على اللي جوا القرى نفسها وكنت قاعد مع الجمعيات من 9 شهور وقلتلهم يلا نعمل حاجة وحجم اللي مطلوب كبير».

 

وتابع: «بالمناسبة دي بشكر كل الجمعيات اللي بتساهم في تخفيف الآلام وبتحط بسمة على شفاة المواطنين علشان نغير الحياة اللي إحنا شايفينها ديه».

 

وحول السرعة في إنجاز المشروعات قال: «لما كنت بكلم اللواء ممدوح وقلتله إحنا مينفعش نكثف العمل أكثر من كدة قاللي إحنا بنجيب أهالي القرى نفسهم يشتغلوا».

 

وبشأن «فرش بيوت الأهالي» قال الرئيس إن «موضوع الفرش التجربة إحنا بدأناها في غيط العنب وخلال شهر أو 2 هنكون بنسلم 1600 وحدة سكنية وفكرة إننا نفرش الشقق أكيد الناس اللي موجودة في الأماكن دي مش هتقدر وأنا عارف إن ده عبء».

 

وتابع: «أنا لما كنت بشوف الصور اللي بتيجي في التليفزيون كان بيوجعني الشكل ده وكنت بقول لا يمكن نسمح بده.. لو هنقسم اللقمة والله».