طالت على الايام

بقلم: إبراهيم جاد الكريم
طالت على الايام ياروحى ... وأنت بعيد
كل الايام واحد ... مفيش جديد
وأنت ... فى بعدك
وحتى ... فى قربك
فى غرامى معاك .. بقاسى
قلبى فى ايديك وأنت ناسى
تعبت روحى معاك فى حبك
وضيعت أيامى فى جفاك
وأنت دايما ... تايه فى دنياك
ودمعى سايل .. فاكر أيامك ولياليك
ضيعت منى حبك ... فى بعدك
وتاهت منى أيامى ... فى أيامك
نسيت الدنيا ... دنيتى
وعشت ليك
وضيعت حلمى فى أحلامك
وطالت على الايام ياروحى وأنت بعيد
كل الايام .... واحد مفيش جديد
========
عريس ... محمول
طول يومى ع المحمول ... برن
ودايما ألقاك مشغول بتزن
ولا مره ريحت قلبى
ولا حتى بترد رسالتى
ورصيدى كل يوم بيقل
ولا منك ورصيدك يحول
ولو مره بخمسة جنيه
أمال رصيدك رايح على أيه
لا نافع معاك محمول
ولا التليفون العادى منه تقول
وأنا ضاعت فلوسى
و نسيت كل دروسى
طول يومى ع المحمول برن
ودايما ألقاك مشغول ... بتزن
وأنا خلاص ياروحى
بابا منى ومن نوحى
وجاب لى خلاص يا لوحى
عريس ... على طول بيقول
ودايما معايا
لانه يا لوحى ... عريس محمول

 

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع

جميع الحقوق محفوظة للأقباط متحدون © 2004 - 2011 www.copts-united.com