أنت فين يارب؟

د. وجيه رؤوف | 2010-11-05 14:25:13

بقلم: د. وجيه رؤوف
* قتل تفجير دمار.. أنت فين يارب؟
حرق تعذيب خطف.. أنت فين يارب؟
حرام حرام حرام.. أنت فين يارب؟

(قرار)
* أنت فين يارب.. من كل ديا؟
ساكت ليه يارب.. على كل ديا؟
ولادك يارب.. تعبانين
ولادك يارب.. مطحونين
ساكت ليه يارب.. أنت فين يارب؟
احنا احنا يارب.. مقهورين

* ضحكة الطفل.. اتقتلت
بسمة الأم.. انقبضت
قلوب قلوب قلوب.. بتنجرح كل يوم

* طفل ولابس بدلته
على خده قبلة والدته
قتلوه وقتلوا ضحكته

* من نجع حمادي لبغداد
الدم متفرق فى بلاد
دى مآسي تتحكي للأحفاد

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع