الحياه.....دور شطرنج

جورج ميخائيل عازر | 2016-01-17 10:41:23

جورج ميخائيل عازر
دنيا عجيبه.....عسكري ممكن ياكل فيل

وحصان بيتمخطر.....يمين وشمال بيميل

طابيه حصن أمان.....شكلها حلو جميل

وزير له سلطان وطغيان.....اللي قدامه يشيل

ملك له كل الكرامه.....علي راسه إكليل

كسلان في خطوته.....مريض وعليل

بس لو مات.....بيكون حدث جليل

ينتهي الدور.....الفايز علي وشه تهليل

والمهزوم يشعر إنه غلطان وذليل

هي دي الحياه.....تمثيل في تمثيل

لعبه ليها نهايه.....يلعبها جيل ورا جيل

أوقات أكون الملك.....وده وقت قليل

أشعر بزهو العالم.....من غير أي دليل

مع إني غريب ف الدنيا.....منتظر الرحيل
إوعي تسمع للشيطان.....كلامه كله تضليل

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع