يعنى ايه كلمه ..عيديه

مجدى إبراهيم شاكر | 2010-10-13 00:00:00

بقلم:مجدي إبراهيم شاكر
حينما يولد الطفل المصرى يجد امامه المستقبل مشرقا منيرا وكل سبل المعيشه متوفره .فمنذ ولادته يصرخ باكيا من الم البرد والأسنان ولكن الوالدين لا يقويان على دفع مصاريف الطبيب فماذا سيفعلان

لا بأس من كمادات ماء على جبهته الى ان تذهب الحمى بفضل من الله ورحمه منه .. ويتصارع المولود وابواه مع الزمن الى ان يصل المحروس لسن دخول المدارس ..ولا تتعجب فلن تكون هناك حضانه ولا تهذيب من اين نأتى بالاموال فالمدرسه تكفى والتعليم الحكومى مقالش لاء.وفى هذا السن الجميل يتربى الولد او البنت الصغيره وسط جميع اقرانه من المتعلمين البأئسين .فكل من معه مثله الا نادرا ما يكون هناك واحدا غلى غير العاده من سلاله الأغنياء . وناهيك مما يعانيه الأب والأم من معاناه مصاريف المدارس والأعياد -فى الزمن الماضى كانت هناك عاده ادام الله عزكم ان تذكرتم كانت تسمى بالعيديه فى كل عيد يعطى الكبار للصغار اموال ورقيه جديده كهديه لفرحه العيد .. ولكنها شبه اندثرت فما من اموال لا جديده ولا قديمه وكفى اليوم شره من ابتدائى لاعدادى لثانوى دا ان جاب الواد مجموع يوده ثانوى اصلا .ولو مجابش مجموع ثانوى يبقى صنايع او زراعه وكده دفن نفسه بنفسه لانه مجابش مجموع وييجى يشتغل يقولوله واحنا مالنا كان حد قاللك متذاكرش .. كان حد ضربك على ايدك عشان متدخلش كليه ؟ مانت لو دخلت ياضنايا كليه كان زمانك متعين..... متعين ؟ ايه الكلام الغريب ده هو فيه تعيين اصلا ؟ هو فين ده ؟اهو يشتغل اى حاجه والسلام يشتغل مساعد نجار او بحار وبحار مش يعنى قبطان . لاء بحار دى يعنى مساعد تركيبات يشيل حديد فى مواقع الأنشاء ويشتغل وهو عرقان وبيموت فى الشمس . ودلوقتى ابوه ابتدى قدامه يعمل نفسه خلاص شم نفسه وارتاح من تربيته .اصل السيد الوالد كتر الف خيره تعب جدا ومش قادر خلاص يعمل حاجه تانى هايجيب منين ما ادلخل معروف دا لو كان متوظف اصلا ومكانش بيقف على الرصيق يلقط رزقه . يبتجى الواد يموت كل يوم ولو بنت تبقى الطامه اكبر دى لو بنت يبقى ربى بقى ياابو العيال الشغل موجود واشتغل امال انت مخلوق عشان تنام ؟

طيب خلينا فى الولد اهو قدر اخف من قدر ......عاوز يتجوز

حاجه تجيب الضغط يتجوز بقى منين ولا يعمل ايه ولا ولا ولا . ماهو لو كان بنت كان العريس هايجيبله ونشيله شيله بس لو بنت حلوه . انما جيتلنا ولد هات انت بقى اللى تقدر تحمله وانت جاى . حاول تجيب هدايا كتير عشان ام العروسه دا لو عروسه وافقت بيك وانت شغال الشغلانه دى !! ولو اهل العروسه شافوا ناك مقامك مناسب لوضع عيلتها دانت هاتبقى نسيبهم . والحياه مسمتره والدفع مستمر . والدنيا مقلوبه ناس بتدور على اكل عيشها وناس بتاكل عيش فى ذل الناس وله بيقوللك اهم حاجه عندى الناس.راحه الشعب شىء مهم !! انا ميهداليش بال الا والشعب مرتاح ..!! والناس من الهم مش لاقيه حاجه تعملها .. ملقتش اتجوز ممكن اقف فى مظاهره ! ممكن اعمل اى حاجه اشوف حد بيبدل فلوس مزوره الألف بخمسيه اوزع الفلوس واخد المكسب !! نسينا يعنى ايه كلمه حرام يعنى ايه امانه فى الشغل !! طيب هو فين الشغل عشان نبقى امناء فيه ؟ هو فين وانا اكله بأسنانى ؟ .. والحكومه النهارده قررت رفع سعر السلع ..ومجنونه ياقوطه !! طيب هل ياترىالحكومه والمسؤلين الكرام عارفين ان فيه بشر عايشين خالقهم ربنا لسه بيقبضوا بالألف جنيه فى الشهر . مش هاقول ميه ومتين وتلتميه انا بقول الف خلينا نقول المعقول . طيب ولو الموظف المطحون اللى كان شغال مساعد لحام او مدخل بيانات او حتى مدير شبكات فى شركه ده ربنا اكرمه وبقدره قادر اتجوز بعد عذاب ورفض من اهل العروسه بس عشان العروسه شايفه فيه انسان اتمسكت بيه . لو فرضا ربنا رزقه بعيل صغير .. نرجع تانى باقى لقصته وهو صغير الدكتور والمدرسه . ياساقيه دورى ولفى وهاتى الزمن تانى ورينى ! ماليش دعوه باللى بيعبوا الفلوس فى زكايب انا بامشى جوا الحيط . مش هاقولفين الفلوس رايحه ومنين جابوها يارب بس يحنوا علينا ويشغلونا مساعد براد فى شركه الأسياد . بس ليا طلب ..الفلوس واهو بنحاول نجيب الجنيه .والجواز بنقنع البنت اننا رجاله وحلوين ومسؤلين عن نفسنا . طلبى بقى كفايه فتن كفايه ننسى الناس همومها بهم تانى اكبر .. انسوا غلا الأسعار وشوفوا ماتش الأهلى خلاص بقت موضه قديمه .. ادينى عقلك وقوللى الراجل المطحون اللى شايل همومه فى جيب جلابيته ازاى واقف فى وسط الشعب يتظاهر ويقول وطن . ياترى مين مسلطه ومين قاله سب والعن فى كنيسه او قول ياجامع اتهد ؟ مين اللى قالله لو اديتنى صوتك فى الأنتخابات هادلك ميه جنيه جديده تسد معاك اشتراك العيش بدل ما تقف فى طابور الفرن تتبهدل ..البلد دى حالها يغم . ولسه بيلعبوا بعقولنا . طيب مفهموش اننا فهمنا ؟ معرفوش ان لينا عقول ربنا خلقها ؟ ولا العقل اللى ربنا اداهولنا . مش زى العقل بتاعهم ؟ .. تعبنا من السؤال فقلنا خلاص نسكت .. ولما تسكت يجيلك التانى من ورا ويقول ساكت ليه ما تقوم تتكلم هو انت مش مواطن ولا انت عاوز حقك يضيع ؟ ولما يشوفك مصمم على قله الكلام والصمت يقوللك هاديك فلوس ! هاديك اجره تعبك لما تفتح بقك وتقول كفايه ظلم . طيب ولو قلت كفايه ظلم هاتنسى انك معاك عيل صغير ولسه المدارس هاتفتح ولسه العيد جاى واحتمال ابنك يكون عيل لسانه

طويل عرفه يعنى ايه كلمه عيديه ؟

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع