طلبة «الثانوية»: «مش رايحين».. والوزارة: «عداد الغياب بيعد»

الوطن | 2015-09-29 11:20:58

10 درجات للحضور والسلوك.. كان القرار بداية أزمة بين الطلبة وأولياء الأمور من جهة، وبين وزير التعليم السابق محب الرافعى من جهة أخرى، عبروا عنها بوقفات احتجاجية رافضة لتحكم المدرسة والمدرسين فيهم، وللحضور الإجبارى المفروض عليهم بدرجات، جاءهم التغيير الوزارى بأمل إلغاء القرار، قبل أن يقره الوزير الجديد، ويصعد من ثورتهم عليه.

لا يوجد قرار فى المدارس.. والطلبة: «مش بنستفيد حاجة»

«مش رايحين المدرسة، ومستغنيين عن العشر درجات».. التصعيد أعلنته حركة «طلاب ضد العشر درجات حضور»، مع اليوم الأول لبدء الدراسة، يؤكده علاء السيد، أحد الطلاب أعضاء الصفحة، يعتبر ورفاقه تأكيد الوزير على القرار تحدياً للطلبة فى توقيت «ما بقاش فيه حاجة اسمها وزير يتحدى طالب، المفروض يشوفوا إحنا عايزين إيه ويريحونا، كفاية علينا المذاكرة».

الشعار تحول إلى هاشتاج جاب مواقع التواصل الاجتماعى ورفعه الطلبة منذ اليوم الأول، فى محاولة للضغط على صاحب القرار، ومنهم بيشوى منتصر، الذى سارع بزيارة مدرسته فى أعقاب القرار، ليسأل أحد مدرسى المدرسة: «هنيجى بكرة ولا لأ؟»، وهاله رد المدرس: «لسه مش عارفين مفيش قرار جالنا، لما تبقى تلاقى ورقة متعلقة ابقى تعالى».

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع