بلد الخبراء

أماني موسى | 2015-09-23 15:24:58

بقلم - أماني موسى
وفي مصر عندينا خبير استراتيجي وخبير عسكري وخبير أمني وخبير طبي وخبير فلكي وخبير في الشؤون الزوجية، وخبير في الحركات الإسلامية، وخبير إعلامي، وخبير تغذية، وخبير تخسيس، وخبير موارد مائية، وخبير طرق، وخبير شعر، وخبير تجميل... اه والله أمؤمن.. خبرا خبرا، كله ما شاء الله خبير ومتفهمش خبير في إيه ولا فين ولا بإمارة إيه، ولا خد الخبرة دي إمتى ولا حتى إيه دراسته.

وبصوت عادل إمام ودة من إيه دة لا مؤاخذة يعنى حساسية يعنى ولا زعل؟ يعنى نمت مرة زعلان صحيت لقيت نفسك خبير؟ ولا سحلية عدت على رقبتك وأنت نايم ؟ لا إله إلا الله ماتاكلش سمك ولا بيض ولا يهمك انا اعرف واحد كان خبير دلوقتى بقى ماشاء الله كويس اوى اوى..

مصر.. بلد التسعين مليون خبير