عن أزمة رامي جلال عامر

أماني موسى | 2015-08-17 09:08:33

بقلم - أماني موسى
داعش فينا بس ربنا اللي هادينا

س: وأنتوا في الشرق بتعملوا إيه مع المختلف معاكوا؟

ج: داعش ولاد الـ... بيدبحوا المختلف معاهم، ناس وحشين أشرار وكيت وكيت باللابلابلا "أي هري" في أي حتة في أي حاجة.

س: طب وأنتوا؟ بندبحه برده يا بيه بس معنويًا وننتهكه ونأذيه، ولولا أن الدبح الحرفي غير مأمون العواقب كنا عملناه يا بيه، بس أنت عارف في قانون بقى ودولة وحاجات غبية كدة.

آآه يعني كلكوا إرهابيين ولاد ...

داعش بتدبح اللي بيكتب مقال ولا ينقد فكرة؟ كلنا نقف في طابور الفكر والحريات والريبرارية والمدنية ونستنكر : ياي إيه الوحشية دي هو الله هيتهز بمقالة ولا رسم كاريكتير؟

يجي واحد يكتب مقالة عندنا؟ نحول للصف التاني صف داعش ونقول إيه الكفر دة؟ أعوذ بالله من هذا الشيطان الرجيم.. فلنقم عليه الحد.

المستنقع واحد والكل شرب منه، كلنا داعش ننتظر فرصة الانطلاق والخروج للنور.