أيهما تفضل.. الكرش ولا فورمة الساحل؟.. «اللى يجيب لايكات أكتر»

 

«فورمة الساحل، عاش يا وحش، النهارده يوم الباى، عايزك تاكل الحديد أكل».. كلمات ومصطلحات لن تسمعها خارج صالات الجمنازيوم، عندما تسمع مثل هذه الشعارات تأكد بأنك تجلس بجانب شاب «الجيم كل حياته» حيث أصبح الجيم هو المكان المقدس بالنسبة للشباب، وجزءاً لا يتجزأ من شخصيتهم وحياتهم الروتينية يومياً لا غنى عنه لدى البعض.

 

اختلف الأمر فى الأسابيع الماضية بعد نشر بعض صور نجوم هوليود زائدى الوزن وبـ«كرش» ليسأل الشباب «هى الموضة السنة دى كرش ولا لياقة؟».. رصدت «صحبة» رحلة البحث عن جسد لائق وملىء بالعضلات فالهدف لم يكن فقط البحث عن جسم صحى بل جذب الفتيات بالـsix pack، abs أيضاً.

 

قال إسلام سمير عن ذهابه لصالات الألعاب الرياضية: «بروح الجيم عشان أقلل ترهلات البطن وشكل جسمى يكون أفضل»، فبالرغم من أنه لم يكمل شهرين فى الجيم فإنه أدرك أهمية الذهاب للتمرين للحصول على مظهر جذاب وصحى.

 

أما محمد ماهر فيدرك أن الجيم لممارسة الرياضة من أجل الحصول على صحة جيدة وجسم رياضى مثالى، ثم اعترض على الشباب الذين يذهبون للجيم من أجل نشر صورة على «فيس بوك» أو «إنستجرام» وكتابة At the gym: «بعتبر الجيم بيتى الثانى اللى عشت فيه 9 سنين، شفت ناس كتير بتروح الجيم موضة، وبصراحة استحقرتهم وبحس إن المنظرة بالعضلات دى حاجة مقرفة، أنا بخاف من الحسد فمبلبسش هدوم ضيقة توضح عضلاتى عشان متحسدش».

 

كريم سرور: «فيه مقولة إنجليزية من فيلم كرتونى اسمه الجميلة والوحش بحبها جداً بتقول، إن كل وحش يحتاج جميلة، يعنى أنا بنزل الجيم من سنين طويلة جداً وبحبه لأنه بقى جزء من شخصيتى، لأنى مش بحب جسمى يكون رفيع جداً.. وبحس إنه بقى جزء من يومى وحياتى الروتينية، لأنى بطبيعتى محافظ على شكل جسمى جداً وصحتى».

 

 

كريم ومجهود 9 سنوات فى الجيم

شيرى صلاح: «مش بحب الشباب اللى بيروحوا الجيم لمجرد إنه موضة، شىء مستفز جداً إن فيه شباب جسمها مش بيليق عليها العضلات وتلاقيه عملاق جداً وهو أصلاً قصير أو رجليه رفيعة! يا فرحتى بالعضلات والجسم الضخم العريض وهو مش لايق عليك وعلى تصرفاتك».

 

تجد سارة أحمد أن الجيم هو مكان صحى ورياضى لا يجب أن يكون تابعاً لموجة الموضة: «أنا بحترم الشباب اللى بيروحوا الجيم لهدف إيجابى مش منظرة على البنات، يقضوا وقتهم فى الجيم أحسن ما يضيعوه فى القهاوى والشوارع، أنا ممكن أقول لحبيبى يروح الجيم لأنى باختصار مش بحب الولد الرفيع جداً أو الولد التخين جداً».

 

نورهان أشرف: «بحس إن الشباب إلى عندهم العضلات هما دليل على قوة الشخصية والهيبة ولكن طبعاً بحدود، يعنى فى مرحلة لما بيبقى ضخم جداً مش بتبقى حاجة حلوة، أما إن فيه بعضهم بياخدها موضة فالموضة تبطل وبتيجى عليها وقت وبتروح، اللى بيروح الجيم علشان يظبط جسمه وعنده وعى بقيمة اللى بيعمله هيفضل مكمل واللى رايح علشان استعراض العضلات وجذب البنات فترة وهيبطل». طل».