نجلة النائب العام توجه رسالة إلى روح أبيها

قالت مروى هشام بركات، نجلة النائب العام، إن والدها الذي اغتيل الأيام الماضية، "وحشها"، حيث سردت بعض الذكريات التي وقعت بينها وأبيها عبر حسابها على موقع التواصل الاجتماعي "فيسبوك". 

 

أوضحت مروى بركات: "والدى حبيبي وحشتني وعارفه انك حاسس بيا اوى عارفة انى انا وانت قصه حب وعشق فاكر لما قلتلي انتى للدرجة دى بتحبينى قلتلك ده انا بعشقك".

 

وجهت مروى بركات رسالة إلى والدها قالت فيها: "انا بقي بقولك انا ختمت ليك القرآن وبإذن الله أن شاء الله هكون قوية اوى بيك لأن اسمك ملازمنى هشتغل وأفنى نفسي في الشغل وفي الجنائي اللي انت بتعشقه". 

 

وأضافت: "فاكر واحنا بنتخانق مع بعض وتقولى رأسك ناشفه وعنيده أقولك يعنى انا طالعه لمين فاكر يا حبيبي"، مضيفة: "يا نور عينى انا لازم اجيلك تكون فخور بيا اوى يا حبيبي هحاول أعمل كل اللي انت بتعمله من أول سجادة الصلاه ومصحفك اللي معايا لحد كل خير انت بتعمله يا حبيبي أصل انا عايزه ربنا يكرمنى بنفس الخاتمة بتاعتك يا حبيبي علشان انا ‫‏بنت‬ البطل". 

 

كانت عملية إرهابية قد استهدفت موكب النائب العام المستشار هشام بركات، أمس الأول، الاثنين، بسيارة مفخخة، ما أسفر عن استشهاد النائب العام، وإصابة 6 آخرين.