السيسي للمصريين: نقوا عضو البرلمان زي العريس لأننا بنديله مصر

قال الرئيس عبد الفتاح السيسي، خلال إفطار الأسرة المصرية في فندق الماسة بمدينة نصر، "أتمنى أن ننهي هذا الاستحقاق قبل نهاية 2015، ويكون عندنا برلمان".

 

وأضاف الرئيس بشأن البرلمان "نفسى يا مصريين تخلوا بالكم المرة دي، اختاروا البرلمان ونقوه على عنيكم، علشان خاطر بلدنا، نقوا أعضاؤه زي ما يكون الواحد فينا بيختار عريس لبنته".

 

وتابع الرئيس "ماتجاملوش حد يا مصريين، دي دورة واحدة ومرة واحدة، إنت بتختار إنسان بتوليه أمرك وتديله زمامك، إعملوها كويس مرة واحدة، أنا مليش مصلحة في حاجة، غير مصلحة البلد، أنا عايز البلد تقوم وتنجح ويبقى فيه حلم جميل لأولادنا وأحفادنا، والبرلمان هينعقد إن شاء الله قبل نهاية السنة، ولو متنقاش واخترناه بمنتهى التجرد والوعي إحنا اللي هندفع التمن، لأننا بنديله مصر".