السيسي: "بقول للمحامين كلهم حقكم عليا وأنا بعتذر لكم يافندم"

أعرب الرئيس عبدالفتاح السيسي، عن خالص اعتذاره لجموع المحامين عن التصرف الفردي المسيء، الذي صدر من أحد ضباط الشرطة ضد محام الأسبوع الماضي، قائلا: "أنا بقول للمحامين كلهم حقكم عليا، وأنا بعتذر لكم يافندم، وبقول لكل أجهزة الدولة من فضلكم، لازم نخلي بالنا من كل حاجة، رغم الظروف اللي إحنا فيها"، موجها كلامه للواء مجدي عبدالغفار وزير الداخلية.

 

وأضاف الرئيس على هامش افتتاح 39 مشروعا تنمويا، اليوم،: "أنا بعتذر لكل مواطن مصري تعرض لأي إساءة، باعتباري مسؤول مسؤولية مباشرة عن أي شيء يحصل للمواطن المصري، وبقول لأولادنا في الشرطة أو في أي مصلحة حكومية، لازم ينتبهوا أنهم بيتعاملوا مع بشر، والوظيفة تفرض عليهم التحمل، لأن المصريين أهلنا وناسنا، ومافيش حد ينفع يقسوا على أهله".

 

واستطرد الرئيس: "عاوزين ناخد بالنا دايما، ونكون مثل وقدوة، وخلال زيارتي الأخيرة لألمانيا والمجر، كانت تعليماتي للحرس بضرورة عدم الاقتراب من أحد، أو التوقف من أجل أحد، ولكن أنا كسرت هذه التعليمات وأديت أوامر بعسكها، لأن المواطن المصري اللي مكلف نفسه، وسايب شغله وحاله عشان يقول أنا معاكم، مش ممكن أبدا، أقوله أمشي متشكرين، لأنهم أهلي وناسي، وما ينفعش حد يقسوا على أهله وناسه، إحنا لازم نرفق على بعضنا".