عاوز أروح لموضوع تاني .... ، خبر مؤسف الصراحة بيعطيك دلالات قد ايه في تخبط في إدارة المشهد الحالي الموجود في مصر وأن مفيش حد بيفكر وكله شغال بمزاجه ، في كتاب اسمه "جدران الحرية" عبارة عن مجموعة من الصور التوثيقية للثورة "الجرافيتى"، الجرافيتي اللي كنا بنشوفه على الجدران في الشوارع المصرية واللي كان بيأرخ لأحداث الثورة من 25 يناير تحديدا في الثلاث سنوات الأولى ، رسومات تتفق تختلف معاها هى في النهاية كانت شكل من أشكال التعبير عن الرأي .. كل الرسومات دي اتحطت في كتاب ونشره ناشط ثقافي اسمه دون كارل ..... الكتاب ده كانت جاية منه 400 نسخة من ألمانيا ، نيابة ميناء الإسكندرية أمرت بالتحفظ على كل شحنة الكتاب وأصدرت قراراً بضبط وإحضار مدير شركة الشحن ومدير شركة النشر التى قامت باستيراده، بدعوى ان الكتاب يحتوى على تحريض على الجيش والشرطة ..... للعلم هذا الكتاب لا يحتوى على الإطلاق على أى عبارات تحريضية على الجيش والشرطة، وسبق نشره في مصر قبل كدة واتوذع دون أى تعديل لأنه زي ما قلنا هو عبارة عن صورة توثيقية لجرافيتى الثورة...... الأخبار اللي زي فعلا اللي بتشوه صورة مصر في الخارج ، يعني الكتاب لو نزل على الأنترنت هتقدر تمنعه مثلا ، دا جزء من تاريخنا في الثورة المصرية مهم نعرفه زي ما هو .... والنبي ياجماعة فكرو شوية قبل ما تاخدوا خطوات زي دي ، شوفوا الأبعاد السياسية ...... يعني مثلا هل الألمان بعد سقوط جدار برلين شالوا الجرافيتي اللي على الجدران بالعكس سابوها ونشروها في كتب لانها شاهد الحالة التي عاشتها ألمانيا الشرقية والغربية قبل سقوط الاتحاد السوفيتي ........عادل المصري رئيس اتحاد الناشرين المصريين أكد أن الاتحاد يتضامن مع دار التنوير للنشر والتوزيع في معركة مصادرة كتاب جدران الحرية وأنه سيقوم بإرسال محام عن الاتحاد للدفاع عن صاحب دار النشر، الذي صدر أمر بضبطه وإحضاره ... عموما معانا على التليفون عادل المصري رئيس اتحاد الناشرين المصريين .
جميع الحقوق محفوظة للأقباط متحدون © 2004 - 2011 www.copts-united.com